Танылган кинорежиссер, телевидение һәм радиотапшырулар алып баручы Тигран Кеосаян вафат булган. Бу хакта аның хатыны Маргарита Симоньян хәбәр иткән. “ТАСС”, Симоньянның телеграм-каналындагы хәбәргә таянып, шулай дип яза.
“Бүген төнлә Тигранның җаны күккә ашты. Аның өчен догада булганнарның һәркайсына рәхмәт. Зинһар, хәзер миңа да, гаиләмә дә шалтыратмагыз. Барыгызга да рәхмәт, рәхмәт”, – дип язып куйган Маргарита.
Кеосаян 1966 елның 4 гыйнварында Мәскәүдә туган. Әтисе – РСФСРның атказанган сәнгать эшлеклесе, режиссер Эдмонд Кеосаян, әнисе – Әрмәнстанның атказанган артисты Лаура Геворкян.
Тигран Кеосаянның режиссер буларак беренче иҗат җимеше – “Катька и Шиз” криминал мелодрамасы (1992 ел). Шуннан соң 15 тән артыграк фильм һәм сериал булдырган. Ул “Евразия-Кинофест” халыкара кинофестивале президенты, Россия Продюсерлар гильдиясе, Россия киноматография сәнгате академиясе әгъзасы булган.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез