19 ноябрь 2025 Яңалыклар

Татарстан башкаласында ятим балалар өчен 27,6 млн сумга 7 фатир сатып алыначак

Сатып алулар буенча ТР Дәүләт комитеты Казанда ятим һәм ата-ана каравыннан мәхрүм калган балалар өчен җиде фатир сатып алуга электрон аукцион уздыру турында игълан итте. Контрактның башлангыч бәясе 27,6 млн сумнан артып китә, дип хәбәр итә ведомствоның матбугат хезмәте.

Документта һәр фатирның мәйданы 24 дән 36 квадрат метрга кадәр булырга тиеш дип күрсәтелгән. Торак биналары 2002 елдан да иртәрәк төзелмәгән һәм файдалануга тапшырылган йортларда булырга тиеш.

ТР Сатып алулар буенча дәүләт комитеты рәисе Марат Зиатдинов ятим балаларны торак белән тәэмин итү республиканың социаль яклау өлкәсендә өстенлекле юнәлешләренең берсе, дип билгеләп үтте.

2025 ел башыннан Татарстанда ятим балалар өчен 1,8 млрд сумлык 450 фатир сатып алынган инде.

Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",