11 сентябрь 2026 Яңалыклар

Татарстан белән Ханой сәүдә һәм инвестиция бәйләнешләрен үстерү турында килеште

Татарстан һәм Вьетнам Социалистик Республикасының Ханой халык комитеты үзара аңлашу турында меморандум имзалады. Бу хакта ТР Сәнәгать һәм сәүдә министрлыгының МАКСтагы каналында хәбәр иттеләр, дип яза «Татар-информ».

Яклар сәүдә-икътисади һәм инвестиция элемтәләрен үстерергә, шулай ук икътисадның төрле тармакларында элемтәләрне киңәйтү өчен шартлар тудырырга килеште.

Меморандум Татарстан белән Ханойның фәнни һәм белем бирү оешмалары арасындагы хезмәттәшлекне ныгытуны күздә тота. Моннан тыш, яклар үзара кызыксыну тудырган башка юнәлешләр буенча да хезмәттәшлекне үстерергә ниятли.

Документны Татарстан Премьер-министры урынбасары – сәнәгать һәм сәүдә министры Олег Коробченко һәм Ханой Халык комитеты рәисе урынбасары, шәһәр партия комитетының Даими комитеты әгъзасы Нгуен Суан Луу имзалады.

Татарстан белән Вьетнам арасындагы товар әйләнеше хәзер уңай динамика күрсәтә. Республика предприятиеләре Вьетнам партнерлары белән хезмәттәшлек итә инде.

Меморандумны имзалау шулай ук «Халыкара кооперация һәм экспорт» илкүләм проекты максатларына ирешүгә юнәлдерелгән.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга