Татарстан февраль аенда бирелгән автокредитлар саны буенча өченче урынга чыккан

Татарстан февраль аенда бирелгән автокредитлар саны буенча төбәкләр арасында өченче урынга чыккан. Бу хакта “Татар-информ” Илкүләм кредит тарихлары бюросы (НБКИ) мәгълүматларына таянып яза.

“2024 елның февралендә Россия төбәкләрендә иң күп автокредитлар Мәскәүдә (6,54 мең), Мәскәү өлкәсе (5,93 тыс), Татарстан (5,31 мең), Санкт-Петербург (4,80 мең) һәм Краснодар краенда((4,58 мең) бирелгән”, – дип билгеләп үтелгән хәбәрдә.

НБКИ белгечләре искәртеп узганча, Татарстанда бирелгән автокредитлар саны башка төбәкләрдәгегә караганда күбрәккә арткан (быел гыйнвар аендагы белән чагыштырганда 42 процентка диярлек).

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!