Татарстан Республикасы юстиция министры Рөстәм Заһидуллин сайлауда тавыш бирде. "Сайлау участогында, иртәдән халык күп инде. Бу бик сөендерә. Сайлауларда тавыш бирү - безнең һәрберебезнең гражданлык позициясенең табигый чагылышы. Республикада тормыш сыйфаты һәм урыннарда төп бурычларны хәл итү илнең закон чыгару органы составының нинди булуына бәйле", - диде Рөстәм Заһидуллин. Министр сайлау участокларының 18-20 сентябрьдә 8:00дән 20:00гә кадәр эшләячәген искәртте һәм халыкны төбәкнең киләчәгенә йогынты ясау мөмкинлеген кулдан ычкындырмаска чакырды.
Республикада 5 миллион 843 мең 800 сайлау бюллетене әзерләнгән. Барлык бюллетеньнәр дә Татарстанның ике дәүләт телендә эшләнгән.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез