Россиядә мәдәният өлкәсен цифрлы трансформацияләүгә зур игътибар бирәләр. Бу хакта Kazan Digital Week халыкара форумының пленар сессиясендә Россия мәдәният министры урынбасары Жанна Алексеева әйтте, дип яза «Татар-информ».
«Татарстан – мәдәният өлкәсен үстерү буенча лидерлар рәтендә», – дип өстәде Алексеева.
Ул ассызыклаганча, илдә берничә цифрлы сервис эшли, алар мәдәниятне халыкка якынрак һәм аңлаешлырак итә. Шундыйларның берсе дип ул «Артефакт» кушымтасын атады - фотография буенча ул теге яки бу экспонатны билгели һәм аның турында сөйли, шулай ук аның беренчел торышын күрсәтә.
Моннан тыш, өстәмә чынбарлык булган сервислар да бар. Ә ясалма фәһемне музей экспонатларын реставрацияләүдә актив кулланалар. Моннан тыш, фильмнарны цифрлы реставрацияләү дә бар – ул кадрларны торгызу һәм иске фильмнарның сыйфатын яхшырту өчен кулланыла.
Сүз уңаеннан, хәзерге вакытта Татарстанда «Кадрлар» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез