Газетага язылу

Татарстан онкология диспансерының яңа поликлиникасын киләсе елда ачарга планлаштыралар

Татарстан Республика клиник онкология диспансерының яңа поликлиникасын 2027 елда ачарга планлаштыралар. Бу хакта «ТНВ-Татарстан» телеканалында «Точка опоры» тапшыруында ТР Сәламәтлек саклау министры урынбасары Илдар Фатыйхов хәбәр итте.

«Онкологик авыруларны иртә ачыклау – безнең өстенлекле юнәлешләрнең берсе. Поликлиникада чиратларның күп булуы сәбәпле, аларны киметү мәсьәләсе туды. Республика җитәкчелеге Казанда онкология диспансеры каршында яңа амбулатор-поликлиника бүлекчәсен булдыру турында карар кабул итте», – диде Фатыйхов.

Аның сүзләренчә, бу үзәкне 2027 елда ачарга планлаштыралар. РКОД поликлиникасының яңа, куәтлерәк корпусын төзү мәсьәләсе күптән туган. Быел февральдә ТР Сәламәтлек саклау министрлыгы коллегиясендә ведомство башлыгы Альмир Абашев Татарстан Рәисе Рөстәм Миңнехановка төзелешкә ярдәм сорап мөрәҗәгать иткән иде.

«ТР Сәламәтлек саклау министрлыгы каршындагы Иҗтимагый совет дәрәҗәсендә бу инициатива биш өстенлекле юнәлешкә кертелде һәм карар кабул ителде. Халык тавыш биргәннән соң, проектка старт бирелде. Бу – безнең халык теләкләрен тормышка ашыруның конкрет мисалы», – дип билгеләп үтте Илдар Фатыйхов «ТНВ» эфирында.

 

Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга

Көн хәбәре