Татарстан Республикасы Рәисе Рөстәм Миңнеханов «Амкодор» - холдингның идарәче компаниясе"ААҖ Директорлар советы рәисе Александр Шакутин белән очрашты.
"Амкодор" ААҖ - Белоруссиянең юл-төзелеш, логистика, урман һәм авыл хуҗалыгы тармаклары өчен махсус машиналар җитештерүчесе. Холдингка барлыгы 29 предприятие керә. Компания 5 мең берәмлеккә кадәр махсус техника чыгара.
Яклар хезмәттәшлекнең перспектив юнәлешләре, уртак проектларны гамәлгә ашыруның мөмкин булган вариантлары турында фикер алыштылар.
Очрашу ТР Хөкүмәте Йортында узды. Очрашуда Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Олег Коробченко, Казан мэры Илсур Метшин һәм башкалар катнашты.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез