Газетага язылу

Татарстан Рәисе Аргентинаның Россиядәге илчесе белән хезмәттәшлек турында фикер алышты

Татарстан Рәисе Рөстәм Миңнеханов бүген Аргентина Республикасының Россиядәге Гадәттән тыш һәм Тулы вәкаләтле Илчесе Энрике Игнасио Феррер Виейра белән очрашты.

Очрашу Казан Кремленең Губернатор сараенда узды. Бу хакта Республика Рәисенең матбугат хезмәте хәбәр итә.

Кунакны сәламләп, Рөстәм Миңнеханов билгеләп үткәнчә, республика безнең илләр мөнәсәбәтләре кысаларында Аргентина белән хезмәттәшлекне үстерү мөмкинлеген югары бәяли. Узган ел Россия һәм Аргентина дипломатик мөнәсәбәтләр урнаштыруның 140 еллыгын билгеләп үттеләр. 

«Без Аргентинаны Латин Америкасының әйдәп баручы державаларының берсе, гаять зур икътисадый потенциаллы, бай мәдәниятле, спорт казанышлары булган ил буларак беләбез», - диде республика Рәисе. Ул төбәкара багланышлар урнаштыруның мөһимлеген аерым ассызыклады.

Феррер Виейра республика җитәкчелегенә рәхмәт белдерде һәм Татарстан белән Аргентина арасындагы элемтәләрне алга таба да киңәйтү белән кызыксынуын белдерде. 

Аргентина Республикасы - Көньяк Америкада нефть һәм газ, литий, уран, төсле һәм башка металларның зур запасларына ия дәүләт. Икътисадының төп тармаклары: химия, нефть химиясе, тау эше, металлургия, авыл хуҗалыгы һәм азык-төлек сәнәгате.

БЕЗНЕҢ МАКС КАНАЛЫНА ЯЗЫЛЫГЫЗ!

минниханов, миңнеханов, " нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"

Көн хәбәре