31 октябрь 2025 Яңалыклар

Татарстан Рәисе Астанада Казахстанның беренче вице-премьеры Роман Скляр белән очрашты

Татарстан Рәисе Рөстәм Миңнеханов Казахстанга эш сәфәре кысаларында Астанага килде. Н. Назарбаев исемендәге халыкара аэропортта аны Казахстан Республикасы Премьер-министрының беренче урынбасары Роман Скляр каршы алды.

Казахстан башкаласына республика Рәисе Кустанайдан килде, аңарчы ул анда Кустанай өлкәсе Хакиме Кумар Аксакалов белән очрашу үткәргән иде. Бу хакта ТР Рәисе матбугат үзәге хәбәр итә.

Роман Скляр белән эшлекле очрашу барышында Рөстәм Миңнеханов билгеләп үткәнчә, Казахстан Татарстанның төп сәүдә партнерларының берсе булып кала. 2025 елның беренче яртыеллыгы йомгаклары буенча товар әйләнеше уңай динамика күрсәтә – 45%ка үсеш.

Очрашуда сәнәгать, АСК, энергетика өлкәсендә хезмәттәшлекне үстерү перспективалары турында фикер алыштылар.

Республика Рәисе ассызыклаганча, Татарстан предприятиеләре өчен Казахстан базары зур кызыксыну уята. «Без сезгә уртак икътисадый проектларны гамәлгә ашыруда һәрьяклап ярдәм иткәнегез өчен рәхмәтле», – дип билгеләп үтте Рөстәм Миңнеханов.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис