Татарстан Рәисе Пилотсыз авиация системалары үзәгенең мөмкинлекләрен киңәйтергә кушты

Татарстанда төзелгән Пилотсыз авиация системаларының фәнни-җитештерү үзәге авиация техникасы белән генә түгел, җир өсте роботлары һәм пилотсыз катерлар эшләү белән дә шөгыльләнергә тиеш. Бу хакта Татарстан Рәисе Рөстәм Миңнеханов «Дрон Экспо» форумының пленар сессиясендә әйтте.

Татарстан Рәисе үзәкнең технологик лидерлык илкүләм проекты кысасында КНИТУ-КАИ базасында төзелүен искәртте. Аның сүзләренә караганда, хәзер үзәкне заманча җиһазлар һәм сынау стендлары белән тәэмин итү төгәлләнә. "Ни өчен ул авиация юнәлешендә генә эшләргә тиеш? Бүген пилотсыз катерлар да, җир өсте техникасы да кирәк. Аның эш юнәлешләрен киңәйтү дөрес булачак", - диде Рөстәм Миңнеханов.

Сүз уңаеннан, хәзерге вакытта Татарстанда «Пилотсыз авиация системалары» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

минниханов, миңнеханов, Рөстәм Миңнеханов, Татарстан Рәисе, раис, "нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",