Татарстан Республикасы Рәисенең Кадрлар резервында катнашучылар проектларын якладылар

Бүген Татарстан Республикасы Хөкүмәте Йортында Татарстан Республикасы Рәисе Кадрлар резервында катнашучылар проектларын якладылар.

Чарада резервчылар остазлары - Татарстанның югары җитәкчелеге вәкилләре, шулай ук республика хакимият органнары җитәкчеләре катнашты.

Резервчылар Татарстан Рәисе Рөстәм Миңнехановка Татарстанның социаль-икътисадый үсешенә юнәлдерелгән проектларны тәкъдим иттеләр. Аларның шактый өлеше - илебезнең технологик суверенлыгын саклау һәм үстерү өлкәсендәге инициативалар, МХОдә катнашучыларга һәм аларның гаилә әгъзаларына ярдәм итү системасын камилләштерү, цифрлаштыру, аерым тармаклар өчен кадрлар әзерләү өлкәсендәге проектлар һ. б.

Татарстан Рәисе эшләнмәләрне уңай бәяләде һәм Татарстан хакимиятенең тиешле органнарына резервчыларга тәкъдим ителгән проектларны алга таба гамәлгә ашыру мәсьәләләрендә һәрьяклап ярдәм күрсәтергә кушты.

Татарстан Республикасы Рәисенең Кадрлар резервында катнашучыларга «Идарә итү осталыгы: заманча трендлар һәм чакырулар» программасы буенча квалификация күтәрү турында таныклыклар тапшырылды.

Искәртәбез, Татарстан Республикасы Рәисенең Кадрлар резервы - республиканың идарә итү потенциалын үстерүгә юнәлдерелгән флагман кадрлар проекты. 2014 елдан башлап ел саен ТР Рәисенең Кадрлар резервына Татарстанның иң яхшы идарәчеләре сайлап алына. Ел дәвамында резервчылар республиканың һәм федераль экспертларның әйдәп баручы белгечләрендә махсуслаштырылган укулар узалар, республика муниципалитетларында һәм предприятиеләрендә стажировка программаларында катнашалар, шулай ук остазлар белән бергә Татарстанның социаль-икътисадый потенциалын ныгыту өчен проектлар әзерлиләр.