Эче күпереп, бик нык авыртканлыктан, 14 яшьлек кызны күрүгә үк ДРКБ табиблары анда киста булу ихтималын шәйләгән. Азнакай районы Үзәк хастаханәсе (участок табиблары – педиатр һәм гинеколог аны шунда җибәргән) табиблары да балага шундый башлангыч диагноз куйган булган.
Республика хастаханәсе белгечләре, шул исәптән табиб-гинеколог, УЗИ һәм РКТ тикшеренүләре уздырганнан соң, чыннан да, кызның сул як күкәйлегендә киста барлыгын раслаган һәм баланы шундук операциягә әзерләүгә керешкән.
- Безнең табиблар баланың органын саклап калган хәлдә, 6 литр сыекчалы шешне алуга иреште. Шөкер, операция барышында күздә тотылмаган кыенлыклар килеп чыкмады. Операциядән соң кызның хәле тиз арада яхшырды. Без аны инде өенә кайтарып җибәрдек, – ди табиб-балалар хирургы Рөстәм Исмәгыйлов.
Баксаң, биредә елына 40лап сырхауга шундый операцияләр ясала икән.
Посмотреть эту публикацию в Instagram
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез