Татарстан җыелма командасы үз тарихында дүртенче мәртәбә һәм өч ел рәттән чаңгы узышлары буенча Россия Кубогын отты. Республика чаңгычылары Коми һәм Төмән өлкәсе спортчыларын артта калдырды.
Татарстан чаңгычыларын республиканың спорт министры Владимир Леонов котлады: «Ирешелгән уңышларда тукталып калмаска һәм яңа җиңүләргә таба хәрәкәт итүегезне телим! Котлыйм! Алга!»
Дүрт тапкыр Олимпия чемпионы, СССРның атказанган спорт остасы, "чаңгы патшасы" булып танылган Николай Зимятов та соклануын яшермәде. Котлауларга ике тапкыр Дөнья кубогы иясе, ике мәртәбә Кышкы Олимпия уеннары призеры, СССРның атказанган спорт остасы Александр Завьялов та кушылды. «Җыелма команданы, һәр спортчы һәм тренерны, Татарстанның бөтен чаңгы гаиләсен һәм шәхсән Федерация президенты Илшат Фәрдиевне бу җиңү белән котлыйм!», – дигән ул.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез