27 ноябрь 2025 Яңалыклар

Татарстанда 100дән артыграк СВО ветераны кадрлар үзәкләре аша эш тапкан

Ел башыннан бирле Татарстанда 100дән артыграк махсус хәрби операция ветераны “Работа России” Кадрлар үзәге ярдәмендә эшкә урнашуга ирешкән. Бу хакта Хезмәт, халыкны эш белән тәэмин итү һәм социаль яклау министрлыгы хәбәр итә.

Барлыгы 154 ветеран эшкә урнашуга ярдәм сорап мөрәҗәгать иткән. Шуның 102сенә эш урыннары табылган, 5се үз эшен ачкан, 52се бушлай яңа һөнәргә өйрәтелгән.

Махсус хәрби операциядә катнашучыларның һәркайсына шәхси консультант билгеләнә. Ул, резюме тутырудан алып. әңгәмәгә әзерләнүгә кадәр, ветеранга эшкә урнашуның барлык этапларында ярдәм итә.
Бүген ветераннар автомат линияләр операторлары, йөртүчеләр, нефть-газ операторлары эретеп ябыштыручы, электр-газ белән эретеп ябыштыручы кебек белгечлекләр буенча эшли.
СВОда катнашучыларны яңа һөнәргә өйрәтү өчен “Работа России” порталында 8 мәгариф программасы булдырылган. Аларда мәгълүматлар аналитикасы, ясалма фәһем белән эшләү, пилотсыз очу аппаратлары белән идарә итү кебек перспективалы юнәлешләр дә каралган.

Махсус хәрби операция ветераннарына ярдәм итү “Кадрлар” илкүләм проекты кысасында гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

СВО, эвакуированные, эвакуируемые, донбасс, днр, лнр , донецк , луганск , донецкая , луганская , переселенцы , украина , фейк , санкции , импортозамещение , "служба по контракту" , мобилизация , мобилизованные , "специальная военная операция" , "герой ро