14 гыйнвар 2026 Яңалыклар

Татарстанда 30 яшьлек ирнең ашлык әйләндергечкә кысылып гомере өзелгән

Югары Ослан районында 30 яшьлек ир-ат ашлык әйләндергечкә кысылып үлгән.

Фаҗига бүген төнге берләр тирәсендә булган. Бу хакта Татарстан прокуратурасы матбугат үзәге хәбәр итә. Ир алган җәрәхәтләрдән шунда ук үлгән.

Хәзер эш бирүченең (ул Татарстандагы предприятиеләрнең берсе) хезмәтне саклау турындагы законны үтәвен тикшерәләр. Тикшерүне район прокуратурасы контрольдә тота.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!