05 октябрь 2026 Яңалыклар

Татарстанда «Алга! Поехали!» премиясенә гаризалар кабул ителә

Казанда «Алдынгылар хәрәкәте»нең «Алга! Поехали!» еллык премиясе узачак. Анда Татарстанның мәктәп укучылары, студентлары, остазлары һәм «Алдынгылар хәрәкәте»нең беренчел бүлекләре командалары катнаша ала. Премия социаль әһәмиятле проектлар тормышка ашырган, игелекле эшләр башкарган һәм хәрәкәт эшчәнлегендә актив катнашканнарны бүләкләүгә юнәлдерелгән.

Гаризаны шәхсән яки команда белән 1 ноябрьгә кадәр тапшырырга мөмкин. Шәхси номинацияләр арасында «Ел иҗатчысы», «Ел остазы», шулай ук төрле оешмаларның беренчел бүлекләре кураторлары өчен номинацияләр бар. Командалар исә иң яхшы беренчел бүлекләр һәм социаль әһәмиятле проектлар буенча көч сынаша ала.

Җиңүчеләрне сайлаганда хәрәкәттәге казанышлар, активлык, «Алдынгылар советы» эшендә катнашу һәм социаль әһәмиятле инициативаларны тормышка ашыру кебек критерийлар исәпкә алыначак.

Премия финалистлары декабрь башында Казанда узачак төбәк форумына чакырылачак. Форум Идел буе дәүләт физик культура, спорт һәм туризм университетында узар дип планлаштырыла.

БЕЗНЕҢ МАКС КАНАЛЫНА ЯЗЫЛЫГЫЗ!