17 гыйнвар 2026 Яңалыклар

Татарстанда аномаль салкыннар дәвам итә

Бүген, 17 гыйнварда, Татарстанда элек урнашкан аномаль салкын һава торышы саклана. Бу хакта ТР Гидрометеорология үзәге хәбәр итә.

Республикада алмашынучан болытлы һава, явым-төшемнәр көтелми. Юлларда бозлавык булганлыктан, сак һәм игътибарлы булу сорала.
Төбәктә тизлеге 4 тән алып 9 м/с ка кадәр булган көнчыгыш һәм көньяк-көнчыгыш җилләре исә.

Төнге һәм иртәнге 19-24 градус салкыннан соң (урыны белән 31 градуска кадәр), көндез Татарстанда -11дән -16 градуска кадәр, урыны белән -20 градуска кадәр салкын булачак. Казанда -14 дән -16 градуска кадәр салкын булыр дип фаразлана.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!