17 ноябрь 2025 Яңалыклар

Татарстанда авыл хуҗалыгы ярминкәләрендә 800 миллион сумга якын продукция сатылган

Бу көздә Татарстанда узган сигез авыл хуҗалыгы ярминкәсендә 792,5 миллион сумлык продукция сатылган. Бу хакта ТР Авыл хуҗалыгы һәм азык-төлек министрлыгы матбугат хезмәте хәбәр итә.

Аерым алганда, татарстанлылар ярминкәләрдә 5704,5 тонна яшелчә, шул исәптән 3562,3 тонна бәрәңге, 180,9 тонна сөт һәм 577,8 тонна шикәр сатып алган.

Шулай ук, республика халкы ярминкәләрдә 1 миллион 209,3 мең данә тавык йомыркасы һәм 646,6 тонна ит, шуларның 381,5 тоннасы сыер ите сатып алган.

Авыл хуҗалыгы ярминкәләре 28 декабрьгә кадәр дәвам итәчәк.

«Ярминкәләр зур социаль әһәмияткә ия һәм республика җитештерүчеләре тарафыннан җитештерелгән авыл хуҗалыгы продукциясен сатуның иң кирәкле форматларының берсе булып тора, бу исә авыл хуҗалыгын үстерүгә һәм төбәкнең азык-төлек иминлеген яхшыртуга ярдәм итә, бу «Эффектив һәм конкурентлы икътисад» милли проектының максатларына һәм бурычларына туры килә», – дип билгеләп үткәннәр иде ТР Авыл хуҗалыгы һәм азык-төлек министрлыгында.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",