08 декабрь 2025 Яңалыклар

Татарстанда башка кешеләр исеменнән кредитлар рәсмиләштергән үсмерне хөкем итәчәкләр

Татарстанда 250 мең сумнан артык акча урлауда гаепләнгән яшүсмергә карата җинаять эше кузгатылган. Бу хакта ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итә, дип яза «Татар-информ».

Тикшерү версиясе буенча, 2024 елның язында үсмер интернет аша элемтә операторларына бәйләнмәгән берничә SIM-карта сатып алган. Алар ярдәмендә ул банкның мобиль кушымтасына кергән һәм белмәгән гражданнар исеменнән кредитлар рәсмиләштергән. Барлыгы өч кредит рәсмиләштерелгән, акчаның бер өлешен үсмер үз ихтыяҗларына тоткан.

Шуны билгеләп үтәргә кирәк, яшүсмер моңа кадәр дә охшаш гамәлләре өчен җинаять җаваплылыгына тартылган булган. Гаепләү карары расланган җинаять эше судта карауга җибәрелде.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!