Бу хәл сентябрь аенда шәһәрнең яңа өлешендәге 78нче комплекста булган. Биредә яшәүчеләр 12не каттагы кондиционер кәрзинендә бер сабыйны күреп алганнар. Полиция чакыртканнар. Хокук саклау органнары хезмәткәрләре фатирда күпбалалы гаилә: 23 яшьлек хатын-кыз, 24 яшьлек ир-ат һәм аларның өч баласы – 1 яшьлек, 3 яшьлек ике кызчык һәм 2 яшьлек малайның яшәвен ачыклаган. Бу көнне ата-ана балаларын үзләрен генә өйдә калдырган.
Гаилә тәртипсез тормыш алып барган: фатир пычракка, чүп-чарга баткан, суыткычлары буш, балалары каралмаган. Соңрак аларда педикулез авыруы тапканнар. Ир- белән хатын, хәмер белән дус булганлыктан, сабыйларны еш кына ялгыз калдырган.
23 яшьлек хатын-кызга карата “Автозаводский” полиция бүлегендә җинаять эше кузгатканнар. Сабыйларны балалар йортына алып киткәннәр. Опека органнары гаилә парын ата-ана хокукыннан мәхрүм итәргә җыена.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез