Татарстанда бер хатын-кыз «җитәкчесе»ннән хәбәр килгәннән соң 280 мең сум акчасын югалткан

Татарстан буенча Эчке эшләр министрлыгында хәбәр итүләренчә, хатын-кызга мессенджерларның берсендә "ялган" җитәкчедән хәбәр килгән.

Җитәкчесе аңа тавыш бирү өчен сылтама җибәргән, аның буенча дәүләт хезмәтләренә кереп авторизация үтәргә кирәк булган. Хатын-кыз сылтама буенча кергән, әмма теркәлүне үтә алмаган, шуңа күрә телефонын алып куйган һәм бу турыда оныткан. Әмма икенче көнне иртән ул  банк картасыннан 280 мең сум акчасы югалуын ачыклаган, шуннан соң полициягә мөрәҗәгать иткән.

Хәзер әлеге факт буенча җинаять эше кузгатылган.

Полиция хезмәткәрләре хәбәр таныш кеше исеменнән килгән булса да мәгълүматны һәрвакыт яңадан тикшерергә, шулай ук беркайчан да билгесез сайтларда шәхси мәгълүматны кертмәскә кушалар. Мондый очракларда кешегә шәхсән шалтыратырга һәм үтенечнең чыннан да чын булуын тикшерергә киңәш итәләр.

БЕЗНЕҢ МАКС КАНАЛЫНА ЯЗЫЛЫГЫЗ!