20 август 2026 Яңалыклар

Татарстанда егет белән кыз питбайкта һәлакәткә очрап, гомерләре өзелгән

Кичә Түбән Кама районының Красный Ключ бистәсендә питбайк катнашында юл-транспорт һәлакәте килеп чыккан. Нәтиҗәдә кичә 17 яшьлек егет, бүген исә аның белән бергә булган 18 яшьлек кыз да үлгән.

Әлеге мәгълүматны ТР Дәүләт автоинспекциясендә дә расладылар.

Юл һәлакәте кичә кич булган иде. 17 яшьлек егет питбайк руле артында 18 яшьлек дус кызы белән бергә барган. Ниндидер мизгелдә ул идарәне югалта һәм металл киртәгә барып бәрелә. Яшүсмер үлгән, ә пассажиры хастаханәгә озатылган. Тик кызганыч, питбайкта булган кызның да гомерен саклап кала алмаганнар.

БЕЗНЕҢ МАКС КАНАЛЫНА ЯЗЫЛЫГЫЗ!