Питрәч районында ГАИ хезмәткәрләре 75 яшьлек хатын-кызны оператив рәвештә хастаханәгә китергәннәр, ул бакчада эшләгәндә электр секаторы белән сул кулының имән бармагын кискән. Бу хакта ТР буенча Эчке эшләр министрлыгының Матбугат хезмәте хәбәр итә.
Инспекторларга пенсионерның улы мөрәҗәгать итә. Полиция хезмәткәрләре, вакытны сузмыйча, аны эш машиналарына утырталар һәм мигалкаларын кабызып, берничә минут эчендә медучрежениегә китерәләр. Автоинспекторларның берсе хатын-кызны табибларга шәхсән үзе озата барган. Инспекторларның җитезлеге нәтиҗәсендә медицина ярдәме вакытында күрсәтелгән.
Сүз уңаеннан, хәзерге вакытта Татарстанда “Һәр кешегә сәламәтлек” төбәк проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез