Татарстанда гаиләләргә хокукый ярдәм атналыгында 190 меңнән артык кеше катнашкан

Татарстанда узган Гаилә мәнфәгатьләрен яклау мәсьәләләре буенча Бөтенроссия хокукый ярдәм атналыгында республикада яшәүче 190 меңнән артык кеше катнашкан. Бу хакта Татарстан юстиция министры Рөстәм Заһидуллин әйтте.

Аның әйтүенчә, быел әлеге чара республикада өченче тапкыр үткәрелгән. “Хокукый ярдәм атналыгы 6-12 июль көннәрендә узды. Аның кысасында республиканың барлык районнарында һәм шәһәрләрендә 5 меңләп чара, шул исәптән, гражданнарны кабул итү, лекцияләр, күргәзмәләр, конкурслар, хокукый юнәлештәге тренинглар узды. Аларда республикада яшәүче 190 меңнән артык кеше катнашты”, – диде министр.

Рөстәм Заһидуллин әйтүенчә, хокукый ярдәм атналыгы кысасында 415 консультация чарасы да үткәрелгән. “Нәтиҗәдә 4,4 меңнән артык кеше бушлай юридик ярдәм алды”, – диде ул.

Министр сүзләренә караганда, республикада яшәүче гаиләләрне күбрәк пособиеләр, түләүләр, пенсия кебек социаль-хокукый мәсьәләләр борчый.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга