08 июль 2026 Яңалыклар

Татарстанда гомуми белем бирү учреждениеләрен капиталь ремонтлау 70%ка җитте

Быел Татарстанда федераль һәм республика программалары буенча 170 мәгариф объектында ремонт үткәреләчәк. Финанслауның гомуми күләме 10,495 млрд сум тәшкил итә. Бу хакта ТР Төзелеш министры Марат Айзатуллин хәбәр итте.

Шул исәптән 63 объект – гомуми белем бирү учреждениеләрен ремонтлауга 6,8 млрд сумнан артык акча бүлеп бирелгән.

Аларның 36сы – 18 муниципаль берәмлектәге мәктәпләр, алар «Яшьләр һәм балалар» илкүләм проектына кертелгән, 6 объект – «Авыл территорияләрен комплекслы үстерү» дәүләт программасына, ә 21е республика программасына кертелгән.

Республика программасына кертелгән 2 балалар йортында эшләр инде төгәлләнгән – бу Спас районындагы «Болгар санаторий мәктәп-интернаты» һәм Казандагы «Сәламәтлекләре буенча мөмкинлекләре чикләнгән балалар өчен 4 нче санлы мәктәп-интернат».

Яшел Үзән районының Олы Яке һәм Азнакай районының Тымытык авылларындагы мәктәпләрдә капиталь ремонт тәмамланып килә.

Гомуми белем бирү учреждениеләрендә эшләрнең үтәлеше бүгенге көнгә 70% тәшкил итә.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга