17 декабрь 2025 Яңалыклар

Татарстанда «Гонконг гриппы»ның 149 очрагы теркәлгән

Татарстанда ОРВИ һәм грипп белән авыру очракларының сезонлы артуы дәвам итә.

Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) мәгълүматларына караганда, 8–14 декабрь көннәрендә 19 184 авыру очрагы теркәлгән. Бу күрсәткеч узган атна белән чагыштырганда югарырак, әмма эпидемия чигеннән артмый.

Соңгы атнада авырулар структурасында грипп өлеше 74 процентны тәшкил иткән. Лаборатор ысул белән 1 090 очрак расланган, шуларның 149ы — A(H3N2) штаммы, ягъни «Гонконг гриппы». COVID-19 белән авыру күрсәткече узган елның шушы ук чоры белән чагыштырганда 2,7 тапкырга түбәнрәк.

Уку елы башыннан бирле иртәнге «фильтрлар» вакытында тән температурасы югары һәм ОРВИ симптомнары булган 10 561 укучы дәресләргә кертелмәгән. 35 мәктәпнең 92 сыйныфында уку процессы өлешчә туктатылган, ике белем бирү оешмасы тулысынча ябылган, диелә «Татар-информ» хәбәрендә.

Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис