05 октябрь 2026 Яңалыклар

Татарстанда грипп һәм ОРВИ белән авыручылар саны узган елга караганда кимрәк

Татарстанда 21-27 сентябрьдә ОРВИ һәм грипп белән авыручылар саны узган елның шул ук чоры күрсәткеченнән 25,7 процентка һәм эпидемия бусагасыннан 26,5 процентка түбәнрәк булган. Бу хакта республиканың сәламәтлек саклау министры урынбасары, Казан буенча Сәламәтлек саклау идарәсе башлыгы Илназ Әхмәдиев хәбәр итте, дип яза «Татар-информ».

«Сентябрь башыннан Казанда ОРВИ һәм грипп белән авыручылар санының атна саен артуы теркәлгән. Соңгы ике атнада 12,8 мең очрак теркәлгән», - дип өстәде Әхмәдиев.

Аның сүзләренә караганда, авырулар саны арту өлкәннәр хисабына теркәлә. Шул ук вакытта 21 сентябрьдән аз гына кимү күзәтелә, бу үсешнең акрынаюын күрсәтергә мөмкин, әмма авыруның тотрыклы кимүенә түгел.

Ул шулай ук ел саен вакцинаның штамм составы яңартылу сәбәпле гриппка каршы прививка ясатырга тәкъдим ителүен искәртте. Прививка ясатырга теләүчеләрнең барысына да яшәү урыны буенча поликлиникага язылмыйча мөрәҗәгать итәргә мөмкин, вакцинация бушлай үткәрелә.

Сүз уңаеннан, хәзерге вакытта Татарстанда «Һәр кешегә сәламәтлек» төбәк проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга