Татарстанда янгын чыккан йорттагы 74 яшьлек пенсионерны коткарганнар

Кама Тамагының Гагарин урамындагы шәхси йортта янгын чыккан. Бу хакта Россия Гадәттән тыш хәлләр министрлыгының ТР буенча Баш идарәсе хәбәр итә.

Янгын сүндерүчеләр ут ялмаган йорттан 74 яшьлек хатын-кызны алып чыккан. Беренчел мәгълүматлар буенча, ул зыян күрмәгән.

Янгын 40 кв. метр мәйданга зыян салган, сәбәбе – электр җиһазларын урнаштыру һәм эксплуатацияләү кагыйдәләрен бозу дип фаразлана.

БЕЗНЕҢ МАКС КАНАЛЫНА ЯЗЫЛЫГЫЗ!

Көн хәбәре