Синоптиклар мәгълүматларына караганда, буран булачак. 100 метрга кадәр ераклыкта күз күреме начарая. Көчле кар-буран, секундына 15-18 метр тизлектә җил көтелә.
Юлларда – урыны белән кар көртләре. Россия Гадәттән тыш хәлләр министрлыгының Татарстан буенча Баш идарәсе бу җәһәттән кисәтү таратып, республикада яшәүчеләрне иминлек чараларын күрергә чакырды:
*һава торышы начарайган бер мәлдә, мөмкинлеккә карап, өйдән чыкмаска;
* җәмәгать транспортына өстенлек биреп, шәхси транспортта йөрүдән баш тартырга;
* машиналарны начар беркетелгән конструкцияләрдән читкәрәк куеп калдырырга һәм мондый конструкцияләр янында тормаска;
* түбәсендә кар һәм боз өемнәре күренгән биналарны читләтеп узарга;
* юлларда сак булырга: мшинаны кумаска, кинәт кенә узмаска.
Сүз уңаеннан, хәзерге вакытта Татарстанда “Экологик иминлек” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез