Татарстанда яшенле яңгыр, боз явуы, көчле җил һәм 28 градуска кадәр җылылык көтелә

30 майда Татарстанда кыска вакытлы яңгыр, яшен һәм боз көтелә. Бу хакта республиканың Гидрометеоүзәге хәбәр итә.

«Татар-информ» хәбәр иткәнчә, төнлә һәм иртән республикага томан төшәчәк. Көчле җил исәчәк, аның тизлеге секундына 14 метрга кадәр тәшкил итәчәк, яшен вакытында 15-20 метрга кадәр көчәячәк.

Һава температурасы көндез 19дан 24 градуска кадәр, ә көньякта 28 градуска кадәр җылы булачак.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!