05 октябрь 2026 Яңалыклар

Татарстанда яшүсмерләр өчен «Китап җаны» проекты башланды

Татарстанда 12–18 яшьлек яшүсмерләрне берләштерәчәк «Китап җаны» әдәби-медиа проекты старт алды. Проект кысаларында катнашучылар әдәбият белән командалы квизлар, китап клублары һәм иҗади медиа аша танышачак.

9–16 октябрьдә районнарда татар телендә әдәби квизлар узачак. Октябрь уртасыннан район китапханәләрендә китап клублары эшли башлый. Анда яшүсмерләр татар классикасы һәм хәзерге авторларның әсәрләрен фикер алышачак.

Проектта катнашучылар шулай ук татар әдәбиятына багышланган китап блоглары алып бара һәм район газеталарын әзерли. Газета редакцияләре үз эшләрен ноябрьдә тәкъдим итәчәк. Нәтиҗәдә иң яхшы 20 команда декабрьдә Казанда Галиәсгар Камал исемендәге Татар дәүләт академия театрында узачак финал әдәби квизда катнашачак.

Проект Татарстан Республикасы Рәисе каршындагы татар телен һәм Татарстан Республикасында яшәүче халыклар вәкилләренең туган телләрне саклау, үстерү мәсьәләләре комиссиясе ярдәме белән гамәлгә ашырыла.

Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",