11 ноябрь 2025 Яңалыклар

Татарстанда ятим баланың дәүләт биргән фатирын алдап саттырганнар

Яшел Үзәндә ятимнең дәүләттән алган фатирын тартып алганнар. Мошенник элек хөкем ителгән шәһәр кешесе булып чыккан. Бу хакта Татарстан прокуратурасы матбугат хезмәте хәбәр итә.

Ул ятимгә торакны сатуны рәсмиләштерергә күндерә. Аны Төркиягә яшәргә җибәрергә, ә акчаны хәйриягә күчерергә вәгъдә итә. Тик ятим бала тораксыз да кала, чит илгә дә китә алмый.

Прокуратура тикшерүеннән соң мошенниклык турында җинаять эше кузгатыла. Законсыз үзләштерелгән фатирга арест салынган.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!