Актаныш районында Актаныш-Мөслим автомобиль юлының 5,8-8,7 чакрым озынлыктагы өлешендә ремонт эшләре төгәлләнгән. Юлның ремонтланган өлешенең озынлыгы 2,950 чакрым тәшкил итә. Транспорт һәм юл хуҗалыгы министрлыгының матбугат хезмәте шул хакта хәбәр итә.
Биредә асфальт-бетон түшәмәсе яңартылган, юл кырыйлары М-400 маркалы вак таш белән ныгытылган, 8,5 мең кв. мәйданда юлга тиешле тамга-билгеләр ясалган.
Автомобиль юлы барлыгы 19 торак пункт юлы аша уза, шулай ук М-7 федераль юлына чыгу мөмкинлеге бирә.
Эшләрнең заказчысы – “Главтатдортранс”, подряд оешмасы – “Татавтодор”.
Исегезгә төшерәбез: Россиядә яңа илкүләм проектлар гамәлгә ашырыла башлады. Алар асылда барлык өлкәләргә кагыла. Автомобиль юлы “Яшәү өчен инфраструктура” илкүләм (милли) проекты кысасында төзекләндерелгән. Сүз уңаеннан, Россия Дәүләт Советының әлеге юнәлеш буенча комиссиясенә Татарстан Рәисе Рөстәм Миңнехановның җитәкчелек итүен искәртеп үтик.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез