Быел көзен Татарстанда эш бирүчеләр төзелеш тармагында иң зур хезмәт хакы тәкъдим итә. Баш инженер һәм монтажник аена 200 мең сумга кадәр эшләргә мөмкин. Бу хакта “Татар-информ” республиканың Мәшгульлек үзәге матбугат хезмәте мәгълүматларына таянып яза.
“Транспорт һәм логистика өлкәсендә транспорт компаниясе директорына аена 150-300 мең сум, йөртүче-экспедиторга – 250-300 мең сум, автогрейдер машинистына – 250 мең сумга кадәр, йөк ташу буенча логистка – 100-300 мең сум, юл эшчесенә – 150-200 мең сум тәкъдим ителә”,– дип сөйләп үтелгән матбугат хезмәтеннән.
Сәнәгать өлкәсендә сынаулар буенча инженер – аена 250 мең сумга кадәр, инженер-конструктор – 180 мең сум, фрезеровщик – 180-250 мең сум, шомартучы – 240-250 мең сум, токарь – 220 мең сум, электр-газ белән эретеп ябыштыручы 150-200 мең сум эшләргә мөмкин.
Медицина өлкәсендә тар белгечлеккә ия булучы табиблар өчен 200 мең сумга кадәр вакансияләр бар. IT-секторда программистларга 200 мең сумга кадәр тәкъдим ителә. Сату өлкәсендә бүлек менеджерлары 150-200 мең сум, бүлек җитәкчеләре – 200 мең сумга кадәр алып эшли.
Сүз уңаеннан, хәзерге вакытта Татарстанда “Кадрлар” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез