11 август 2026 Яңалыклар

Татарстанда кайбер категория гражданнар ягулык салу станцияләренә чиратсыз керә ала

Сәламәтлек мөмкинлекләре чикле кешеләр ягулык салу станцияләренә чиратсыз керә ала. Бу хокук I һәм II төркем инвалидлар, шулай ук сәламәтлек мөмкинлекләре чикле балалар өчен каралган. Ташламадан файдалану өчен ягулык салу станциясенә мөмкинлекләре чикле кеше үзе килергә тиеш. Шул ук вакытта машина белән кем идарә итүе мөһим түгел.

Чиратсыз ягулык салу хокукын раслау өчен машинага куелган «Инвалид» дигән махсус билге генә җитми. Ягулык салу станциясе хезмәткәренә инвалидлыкны раслый торган документ күрсәтергә кирәк. 2026 елның маеннан моны кәгазь формада гына түгел, ә «Дәүләт хезмәтләре» порталындагы шәхси кабинет аша да эшләргә мөмкин.

Инвалидлык турындагы белешмәдә фотосурәт күрсәтелмәү сәбәпле, ягулык салу станциясе хезмәткәре паспорт күрсәтүне дә таләп итәргә мөмкин. Шуннан соң станция хезмәткәрләре чират тормыйча гына ягулык салу колоннасы янына бару һәм түләү мөмкинлеген тәэмин итәргә тиеш.

Шулай ук Бөек Ватан сугышы ветераннары, Советлар Союзы Геройлары, Россия Федерациясе Геройлары, Дан орденының тулы кавалерлары да чиратсыз ягулык салу хокукына ия, диелә «Татар-информ» хәбәрендә.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга