Татарстанда өлкән яшьтәге аз керемле кешеләргә булышу дәвам ителә. “Татар-информ” язганча, аена 12 963 сумнан кимрәк пенсия алучы эшләмәүче пенсионерлар социаль өстәмәгә өметләнә ала. Республикада 2025 елга билгеләнгән яшәү минимумы күләме шундый.
Өстәмә түләү автомат рәвештә бирелә. Гариза тапшыру таләп ителми: керемнәр турында мәгълүматлар турыдан-туры Пенсия фондына һәм Социаль фондка җибәрелә. Алар пенсионерның тиешле шартларга туры килү-килмәвен мөстәкыйль тикшерә.
Керемне исәпләгәндә, барлык төр пенсияләр (хәтта кеше рәсми төстә баш тарткан пенсияләр дә), шулай ук барлык башка түләүләр, дәүләт алдындагы казанышлар өчен пособиеләр, айлык акчалата түләүләр, төбәкнең ярдәм чаралары (бер тапкыр түләүләрдән тыш) исәпкә алына.
Пенсионер эшкә урнашкан очракта, бу хакта Пенсия фондына хәбәр итәргә тиеш. Мондый очракта өстәмә түләү туктатып торыла, чөнки эшләмәүчеләр генә аны алырга мөмкин.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез