Татарстанда октябрьдә өч яңа парк ачылачак: аларның икесе - Казанда

Татарстанда октябрьдә өч яңа парк ачылачак. Бу хакта республика шәһәрләре үсеше институты матбугат хезмәте хәбәр итә.

Аларның берсен Казанда ачачаклар.  Бу 7 нче клиник хастаханә янында төзекләндерелгән "Зур акчарлак" күле булачак. Проект турында күптән сөйлиләр иде. Аны төзекләндерү буенча эшләрне акчарлаклар оялау аркасында кичектерергә туры килде. Паркта күзәтү мәйданчыклары, йөрү урыннары, яңа агачлар һәм куаклар һәм эскәмияләр барлыкка киләчәк.

Шулай ук октябрьдә Камал театрында киңлек ачарга ниятлиләр. Театр төзелеше 21 октябрьдә старт ала торган БРИКС илләре саммитына төгәлләнергә тиеш иде, әмма бу атнада эшләрнең 52%ка үтәлгәнлеге билгеле булды.

Театр каршындагы иҗтимагый киңлек Кабан күле яр буеның бер өлеше булырга тиеш. Урында театр бакчасы ачачаклар.  "Тамаша" зоналары һәм ачык театраль сәхнә булдырылачак.

Зәйдә «яшьләр паркы» ачылачак. Урында яшьләр үзәге, амфитеатр һәм балалар мәйданчыклары булдырылачак.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!