Татарстанда «Пилотсыз очкыч һөҗүм итү куркынычы» режимы игълан ителде

Бүген иртән Татарстанда пилотсыз очу аппаратлары һөҗүм итү куркынычы режимы игълан ителде. Бу турыдагы кисәтү хәбәре Россия Гадәттән тыш хәлләр министрлыгыннан килде.

«Игътибар! Татарстан Республикасы территориясендә «Пилотсыз очкыч һөҗүм итү куркынычы» режимы игълан ителде», - диелә хәбәрдә.

Татарстанда «Пилотсыз очкыч һөҗүм итү куркынычы» режимына бәйле рәвештә мобиль интернет эшенә вакытлыча чикләүләр кертелде. Бу хакта ТР Рәисе матбугат хезмәте җитәкчесе Лилия Галимова хәбәр итте.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!