Казанда Республика көне кысаларында ат-спорт ярышлары узды. Спортчылар Россия халыклары Спартакиадасы һәм халыкара турнирда медальләр өчен көч сынашты. Ярышларның гомуми приз фонды 21 миллион сумнан артты.
110 см биеклектәге маршрутта иң яхшы нәтиҗәне Амелия Шәйдуллина күрсәтте — 32,49 секунд һәм бер хатасыз. 130 см категориясендә Олеся Танышева 39,60 секунд белән җиңде.
140 см биеклектәге «Speed and music» номинациясендә Үзбәкстан спортчысы Хуршидбек Алимҗанов беренче урынны алды. 155 см биеклектәге ике гит ярышында Олеся Танышева иң яхшы нәтиҗә күрсәтте.
Ике маршрут нәтиҗәләре буенча абсолют беренчелектә Ирина Федотова һәм «Ноу Лимит» беренче урынны яулады. Икенче — Анастасия Щербакова һәм «Фаворитс Бэк Ноергаард», өченче — Владимир Белецкий һәм «Пико».
Турнир Казанда 29–30 августта узды.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез