2025 елның август ахырына Татарстан Республикасында рәсми теркәлгән эшсезләр саны 3323 кешегә кадәр кимегән, бу икътисади актив халыкның 0,16% тәшкил итә. Мондый мәгълүматны Татарстанстат китерә.
2024 елның шушы чоры белән чагыштырганда, эшсезләр саны 219 кешегә кимегән. Бер ел элек бу күрсәткеч 3542 кеше яки 0,17% тәшкил иткән.
2025 елның августында хезмәт үзәкләренә эшкә урнашу ярдәме өчен 1,6 мең граждан мөрәҗәгать иткән. Рәсми эшсез статусын якынча 900 кеше алган. Бу узган елның августына караганда 10,3% азрак.
Хисап аенда 526 кеше эшкә урнаштырылган. 2025 елның июленә караганда, эшсезләр санының аз гына артуы күзәтелә. Июль аенда аларның саны 3297 кеше тәшкил иткән.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез