16 гыйнвар 2026 Яңалыклар

Татарстанда СВОда катнашучыларны тыныч тормышка кайтару турында сөйләштеләр

«Бердәм Россия» партиясе төбәк башкарма комитетында өйгә кайтканнан соң махсус операциядә катнашучыларны адаптацияләү мәсьәләләренә багышланган эшлекле очрашу узды. Киңәшмәне партиянең төбәк бүлеге секретаре, ТР Дәүләт Советы Рәисе Фәрит Мөхәммәтшин үткәрде. Бу хакта партия сайтында хәбәр ителә.

Очрашуда шулай ук Дәүләт Думасы депутаты Айдар Метшин, Дәүләт Советы Рәисе урынбасары, Татарстан парламентында «Бердәм Россия» фракциясе җитәкчесе Юрий Камалтынов, партиянең җирле бүлеге секретаре, Түбән Кама районы башлыгы Радмир Беляев һәм партиянең төбәк башкарма комитеты җитәкчесенең беренче урынбасары Светлана Гыйниятуллина катнашты.

Очрашуда катнашучылар махсус хәрби операциядә катнашучыларның өйләренә кайткач нинди кыенлыклар белән очрашуы турында фикер алыштылар. Түбән Кама районы мисалында торак, эшкә урнашу, медицина һәм психологик ярдәм турында сөйләделәр. Айдар Метшин дәүләт алдында бик күп бурычлар торуын билгеләп үтте һәм хезмәттәшләрен бу эшкә активрак кушылырга өндәде.

Очрашуга йомгак ясап, Фәрит Мөхәммәтшин теманың мөһимлеген билгеләп үтте һәм чарада катнашучыларга рәхмәт белдерде. Аның сүзләренчә, махсус операциядә катнашучыларны адаптацияләү мәсьәләләре хакимиятнең барлык дәрәҗәләрендә дә җентекләп өйрәнүне һәм катнашуны таләп итә.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

СВО, эвакуированные, эвакуируемые, донбасс, днр, лнр , донецк , луганск , донецкая , луганская , переселенцы , украина , фейк , санкции , импортозамещение , "служба по контракту" , мобилизация , мобилизованные , "специальная военная операция" , "герой ро