Татарстанда тагын бер дәүләт бүләге булдырылачак

Татарстан Дәүләт Советының егерме бишенче утырышында депутатлар яңа дәүләт бүләге – “Татарстанның атказанган суд приставы” мактаулы исемен гамәлгә кертү турындагы закон проекты өчен беренче һәм соңгы укылышта тавыш бирде.

“Мактаулы исемне мәҗбүри үтәтү органнарының югары профессионал хезмәткәрләренә судлар эшчәнлегенең билгеләнгән тәртибен оештырудагы һәм тәэмин итүдәге, суд актларын, шулай ук башка органнар һәм вазыйфаи затлар актларын мәҗбүри үтәүне оештырудагы һәм гамәлгә ашырудагы аерым казанышлары өчен, кагыйдә буларак, мәҗбүри үтәтү органнарында календарь буенча кимендә 10 ел хезмәт иткән өчен бирергә тәкъдим ителә”, – диде уырышта Дәүләт корылышы һәм җирле үзидарә комитеты рәисе Альберт Хәбибуллин.

Депутатлар фикеренчә, дәүләт бүләге Татарстанда мәҗбүри башкару органнары эшчәнлегенә карата кызыксындыруны арттырырга ярдәм итәчәк.

БЕЗНЕҢ МАКС КАНАЛЫНА ЯЗЫЛЫГЫЗ!