Татарстан 2026 елда төбәктә яшьләр сәясәтен үстерүгә 147 млн сумнан артык акча алачак. Яшьләр эшләре буенча федераль агентлык (Россия Яшьләре) «Яшьләр һәм балалар» милли проекты кысаларында уза торган «Яшьләр өчен төбәк» конкурсы нәтиҗәләрен игълан итте. Конкурс нәтиҗәләре буенча, федераль бюджеттан субсидияне Россиянең 43 төбәге алачак.
«Ел саен катнашабыз һәм федераль хезмәттәшләребездән ярдәм алабыз. Инфраструктураны киңәйтү һәм социаль әһәмиятле проектларга ярдәм итү өчен төбәкләргә сизелерлек өстәмә ярдәм. 2026 елда алынган акчалар Яр Чаллыдагы «Заман» яшьләр үзәген ремонтлауга юнәлдереләчәк: биредә иҗтимагый киңлекләр, социаль проектлар инкубаторы, яшүсмерләр өчен һөнәри юнәлеш бирү лабораторияләре, коворкинг, спорт залы һәм башкалар эшли башлаячак; яшьләр өчен системалы чараларны гамәлгә ашыру – яшьләр медиа бергәлекләрен үстерү, креатив индустрияләргә ярдәм итү; балалар ялын оештыручылар, яшь галимнәр мәктәбе үткәрү, «Җылы йөрәкләр» законы белән конфликтта булган яшүсмерләр проектына ярдәм итү һәм башкалар. Шулай ук яшьләр сәясәте тармагы хезмәткәрләренең компетенцияләрен күтәрүгә. Конкурсның мөһим шарты – төбәк ягыннан финанслау. Татарстан Республикасы Рәисе Рөстәм Миңнеханов ярдәме белән без ел саен федераль конкурста катнашу мөмкинлеге алабыз», - дип билгеләп үтте Татарстан Республикасы Яшьләр эшләре министры Ринат Садыйков.
Шунысын да билгеләп үтәргә кирәк, быел федераль оештыручылар «Яшьләр өчен төбәк» конкурсының турыдан – туры этабына Россиянең 79 төбәгеннән рекордлы санда гаризалар алган һәм узган.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез