17 июль 2026 Яңалыклар

Татарстанлылар ярты ел эчендә цифрлы сервислар аша 155 меңнән артык мөрәҗәгать юллаган

Татарстанда 2026 елның беренче яртыеллыгында цифрлы кире элемтә мәйданчыклары аша гражданнардан 155 меңнән артык мөрәҗәгать кергән. Мондый мәгълүматларны ТР төбәк идарәсе үзәгенең Проект офисы утырышында әйттеләр, дип хәбәр итә аның матбугат хезмәтенә сылтама белән «Татар-информ».

Проект офисы рәисе, Татарстанда Кеше хокуклары буенча вәкаләтле вәкил Сәрия Сабурская хәбәр иткәнчә, халык 53 меңнән артык мөрәҗәгатьне «Халык контроле» системасы аша җибәргән, 51 меңнән артыгы – хакимият органнарының социаль челтәрләрдәге рәсми битләре аша, тагын 49 меңнән артыгы – «Дәүләт хезмәтләре» платформасы аша килгән.

ТР төбәк идарәсе үзәге мәгълүматлары буенча, «Халык контроле» системасында хәл ителгән мөрәҗәгатьләр өлеше 74 процентка җиткән, узган елның шул ук чорында 69 процент булган.

Республика халкы торак-коммуналь хуҗалык, транспорт инфраструктурасы, каты коммуналь калдыклар белән эш итү, территорияләрне төзекләндерү һәм сәламәтлек саклау мәсьәләләре буенча еш мөрәҗәгать иткән.

Сүз уңаеннан, хәзерге вакытта Татарстанда «Белешмәләр икътисады һәм дәүләтнең цифрлы үсеш-үзгәреше» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга