Гражданнарның кайбер категорияләре үзләренең булачак пенсияләрен арттыра ала. Шулай ук җитмәгән иминият стажын һәм пенсия коэффициентларын ирекле иминият кертемнәре исәбенә сатып алырга мөмкин. Бу хакта Татар-информ яза.
Аларга түбәндәгеләр керә:
- үзмәшгуль гражданнар;
- шәхси эшмәкәрләр;
- адвокатлар;
- арбитраж идарәчеләр;
- хосусый практикалы нотариуслар;
- рәсми эшкә урнашмаган гражданнар;
- Россия Федерациясеннән читтә эшләүче затлар.
Взносларны ел саен күчерергә кирәк. Моны төрле ысуллар белән эшләргә була: сумманы ай саен өлешләп түләргә яки бөтен сумманы берьюлы кертеп бетерергә. 2025 елда ирекле иминият түләүләренең минималь күләме 59 241,60 сум, ә максималь күләме 473 932,80 сум тәшкил итә.
Ирекле пенсия иминиятендә катнашу яки аннан баш тарту өчен гаризаны ничек бирергә?
- дәүләт хезмәтләре аша;
- почта аша;
- социаль фонд бүлегендә.
Сүз уңаеннан, хәзерге вакытта Татарстанда “Кадрлар” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез