Тимур Кадыйров: «2027 елны Минтимер Шәймиев елы итеп игълан итү барыбызны да куандырды»

“2027 елны Татарстанның беренче Перезиденты Минтимер Шәймиев елы итеп игълан итү барыбызны да куандырды. Чөнки нәкъ әлеге шәхес иң авыр елларда республиканы барлык юнәлешләрдә күтәрү өчен бар көчен куйды. Халыклар арасындагы дустанә мөнәсәбәт ул идарә иткән елларда булдырылды”

Рөстәм Миңнехановның Татарстан Дәүләт Советына еллык Юлламасыннан соң Татарстан Халыклары дуслыгы йорты директоры Тимур Кадыйров әнә шулай дип белдерде.

Аның сүзләренә караганда, Татарстан Рәисе Дәүләт Советына Юлламасында республиканың барлык тармаклары эшчәнлегенә тукталды. “Безнең өчен милләтара һәм конфессияара мәсьәләләр күтәрелү мөһиме. Республикада 175 милләт вәкиле тату, бер-берсенә ярдәмләшеп, гореф-гадәтләрен саклап яши. Һәм бу эшне безгә дәвам итәргә кирәк”, – диде ул. Тимур Кадыйров Рөстәм Миңнехановның туган телләрне саклап калу турындагы сүзләренә аеруча игътибар иткән. “Аның фикеренчә, телне саклап калуда беренче чиратта туган тел укытучыларының өлеше зур. Шуңа да чыгыш ясаганда Рөстәм Миңнеханов биредә булган туган тел укытучыларын аерым билгеләп узды. Халыклар дуслыгы йортында эшләүче якшәмбе мәктәпләре дә телләрне өйрәтүгә үз өлешен кертә. Балалар бик теләп шөгыльләнә”, – диде ул.

БЕЗНЕҢ МАКС КАНАЛЫНА ЯЗЫЛЫГЫЗ!

минниханов, миңнеханов, " нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"