Торакны арендага биреп торучыларга пенсиядән коры калу куркынычы яныймы-юкмы икәнен аңлаттылар

Белгеч искәртеп үткәнчә, пенсионер күчемсез милекнең һәр төре буенча берәр объектка салымнан азат ителгән. Әмма төп шарты бар: бу объект эшмәкәрлек эшчәнлегендә файдаланмаска тиеш.

«Найм килешүе буенча, фатирны кемгәдер арендага биреп торудан керем (13 процентлы НДФЛ яки үзмәшгуль буларак теркәлүчеләргә – 4 процентлы салым түләп), пассив керем булып санала. Бу очракта мөлкәткә салым буенча ташлама сакланып кала. Бакча йорты белән дә – шул ук хәл (ял итүчеләргә килешүләрсез генә тәүлеклек аренда яки уңыш белән сәүдә итү кебек коммерция эшчәнлеге башланмаса). Ә менә гараж белән эш катлаулырак. Шәхси автомобилен куеп тору өчен күршеңә бирелсә, бу көнкүреш арендасы булып санала һәм ташлама да саклана. Ә инде оешмага яки хосусый эшмәкәргә склад, остаханә яисә техник карау станциясе буларак файдалануга бирелсә, эшмәкәрлек эшчәнлеге буларак карала. Бу очракта гомуми нигездә салым түләргә туры киләчәк», – дип басым ясап әйткән белгеч.

БЕЗНЕҢ МАКС КАНАЛЫНА ЯЗЫЛЫГЫЗ!