Төркиядә 4,2 магнитудалы җир тетрәү булган

Төркиянең Диярбакыр провинциясендә, илнең көньяк-көнчыгышында 4,2 магнитудалы җир тетрәү булган. Табигый бәла-каза нәтиҗәләрен бетерү идарәсе (AFAD) Х социаль челтәрендә (элеккеге Twitter) шул турыда хәбәр итте, дип яза РИА Новости агентлыгы.

Ведомствоның Х социаль челтәрендәге хәбәреннән күренгәнчә, җир асты селкенүләре кичә, җирле вакыт белән 15.25 сәгатьтә (Мәскәү вакыты белән туры килә) Хани районында теркәлгән.

Җир тетрәү үзәге 16,82 километр тирәнлектә урнашкан диелә хәбәрдә.