23 гыйнвар 2026 Яңалыклар

Республиканың барлык мәктәпләре һәм югары уку йортлары MAX мессенджерына күчеп беткән

Татарстанның барлык мәгариф оешмалары милли MAX мессенджерына күчүне төгәлләде, ә республикада платформа кулланучылары саны 500 меңнән артты. Бу хакта ТР мәгариф һәм фән министры Илсур Һадиуллин хәбәр итте, аның сүзләрен «ТАСС» китерә.

Министр билгеләп үткәнчә, күчү процессы педагоглар, укучылар, студентлар һәм аларның ата-аналары өчен авырлык тудырмаган. Моның өчен кушымтаны урнаштыру гына кирәк булган, шуннан соң махсус бот барлык чатларны автоматик рәвештә күчергән.

Илсур Һадиуллин шулай ук декабрь аенда кулланучыларга яңа хезмәтләрнең барлыкка килүе турында хәбәр итте. Алар арасында рәсми мәктәп каналлары, балалар бакчасы өчен түләү мөмкинлеге, цифрлы студент билеты, шулай ук күп балалы гаилә статусын санлы ID ярдәмендә раслау бар.

Министр мәгълүматлары буенча, хәзерге көндә мәгариф өлкәсендә MАХ мессенджерын кулланучылар саны 502 405 кешегә җиткән, ә аларның активлыгы 100% тәшкил итә.

Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис